အစာအိမ်နှင့်အူလမ်းကြောင်းရောဂါဌာန

 
အစာအိမ်နှင့်အူလမ်းကြောင်းရောဂါများ ပိုမိုအဖြစ်များလာသည်နှင့်အမျှ ထိုရောဂါများကို မကုသပါက     လူအများအပြားတွင် ရင်ပူ၍အစာရေမျိုပြွန်ရောင်ခြင်း၊ အစာမကျေခြင်း၊ ဝမ်းချုပ်ခြင်း၊ ဝမ်းသွားခြင်း၊ အသည်းရောင်အသားဝါရောဂါနှင့် အစာအိမ်အူလမ်းကြောင်းကင်ဆာ၊ အသည်းကင်ဆာများစသည့် ဆိုးရွားသော နောက်ဆက်တွဲပြဿနာများ ဖြစ်ပွားမည့်အန္တရာယ် ပို၍ပို၍ရှိလာပါသည်။

 
ထိုင်းနိုင်ငံ၊ ဘန်ကောက်မြို့ရှိ ဘမ်ရွန်ဂရက် အစာအိမ်နှင့်အူလမ်းကြောင်းဌာနတွင် အောက်ဖော်ပြပါ အထူးကုနယ်ပယ်များအတွက် စုစုပေါင်းအထူးကုဆရာဝန် ၂၀ ဦးနီးပါး ရှိနေပါသည်။ 
  • အစာအိမ်နှင့်အူလမ်းကြောင်းဗေဒ - အစာခြေအဖွဲ့အစည်းကို အထူးပြုသော ဆေးဘက်ဆိုင်ရာ အထူးကုဘာသာရပ်ဖြစ်သည်။ (အစာရေမျိုပြွန်၊ အစာအိမ်၊ အူသိမ်နှင့် အူမကြီး)
  • အသည်းဗေဒ - အသည်းနှင့် ၎င်းနှင့်ဆက်စပ်နေသော အင်္ဂါများကို အထူးပြုသော ဆေးဘက်ဆိုင်ရာ အထူးကုဘာသာရပ်ဖြစ်သည်။ (သည်းခြေအိတ်၊ သရက်ရွက်၊ ပန်ကရိယနှင့် သည်းခြေပြွန်များ)
  • ရောဂါရှာဖွေရေး အစာအိမ်အူလမ်းကြောင်းမှန်ပြောင်း - ပြဿနာအရင်းအမြစ်ကိုရှာဖွေရန် ခန္ဓာကိုယ်အတွင်းကြည့် အစာအိမ်အူလမ်းကြောင်းမှန်ပြောင်း (ရှည်လျား၍ ကွေးနိုင်ဆန့်နိုင်ပြီး အဆုံးတွင် ကင်မရာပါသည့်ပြွန်) ထည့်၍ ရှာဖွေစစ်ဆေးခြင်း။
  • ရောဂါကုသရေးအတွက် အစာအိမ်အူလမ်းကြောင်းမှန်ပြောင်း - ရောဂါပြဿနာကိုကုသရန် အစာအိမ်အူလမ်းကြောင်းမှန်ပြောင်းကို ခန္ဓာကိုယ်အတွင်းသို့ ထည့်သွင်းခြင်း။

ဘမ်ရွန်ဂရက်ဆေးရုံကြီးတွင် အစာအိမ်နှင့်အူလမ်းကြောင်းဆိုင်ရာရောဂါများကို ကုသရန်အတွက် ကျွမ်းကျင်ပညာရှင်များအဖွဲ့အပြင် အထူးကုဆေးခန်း ၂ ခု လည်းရှိပါသည်။
  • အူရောင်ရောဂါ (IBD) ကုဆေးခန်း - အူရောင်ရောဂါ (IBD) ဆိုသည်မှာ အူနံရံ၌ နာတာရှည်ရောင်ရမ်းခြင်း ဖြစ်သည်။ အူရောင်ရောဂါသည် အူမကြီးရောင်ရမ်းနာ (UC) (သို့) ခရွန်းရောဂါ (CD) ဖြစ်နိုင်သည်။ ကျွန်ုပ်တို့သည် ရောဂါရှာဖွေခြင်းမှစ၍ ကုသခြင်း၊ ဆရာဝန်နှင့် ပြန်လည်ပြသခြင်းများအထိ ဝန်ဆောင်မှုများ ပေးအပ်နေပါသည်။
  • အူမကြီးနှင့်အစာဟောင်းအိမ်ခွဲစိတ်ဆေးခန်း - ကျွန်ုပ်တို့သည် အူမကြီး၊ အစာဟောင်းအိမ်နှင့်စအိုတို့ရှိ ထိခိုက်ဒါဏ်ရာများကို ပြုပြင်ကုသရန်အတွက် အူမကြီးနှင့်အစာဟောင်းအိမ်ဆိုင်ရာ ရောဂါရှာဖွေမှုများနှင့် ကုသရေးတို့တွင် အထူးပြုထားပါသည်။


ကျွန်ုပ်တို့ကုသပေးသောအခြေအနေများ

ဘမ်ရွန်ဂရက်ဆရာဝန်များနှင့် ဝန်ထမ်းများသည် အစာအိမ်နှင့်အူလမ်းကြောင်းရောဂါအမျိုးမျိုးကုသရာတွင် နှစ်ပေါင်းများစွာသော အတွေ့အကြုံများရှိကြပါသည်။ အောက်ဖော်ပြပါတို့သည် ဤဌာနတွင်တွေ့ရှိလေ့ရှိသော ဖြစ်လေ့ရှိသည့်ရောဂါအခြေအနေများဖြစ်သည်။

  • ဗိုက်နာခြင်း
  • သည်းခြေကျောက်တည်ခြင်း
  • အရက်ကြောင့်ဖြစ်သောအသည်းရောဂါ
  • အထက်လန်အောက်ရှောရောဂါ
  • ဘာရက်အစာရေမျိုပြွှန်ရောဂါ
  • အစာရေမျိုပြွှန်သို့အစာပြန်တက်ခြင်း
  • သည်းခြေပြွှန်ရောဂါများ
  • အစာအိမ်နှင့်အူလမ်းကြောင်းရောဂါပိုးဝင်ခြင်း
  • အစာခြေအဖွဲ့အစည်းကင်ဆာရောဂါများ
  • ရင်ပူခြင်း
  • အူသိမ်ရောဂါ
  • အသည်းရောင်ရောဂါများ
  • ဝမ်းမမှန်ခြင်း
  • အူလမ်းကြောင်းတွင်သွေးထွက်ခြင်း
  • သည်းခြေပြွှန်၌ကင်ဆာဖြစ်ခြင်း
  • အူရောင်ရောဂါ (IBD)
  • အသည်းခြောက်ခြင်း
  • အူလုပ်ဆောင်မှုပုံမှန်မဟုတ်ခြင်း (IBS)
  • အူမကြီးရောင်ခြင်း
  • အရက်ကြောင့်မဟုတ်သောအသည်းရောဂါ
  • အူမကြီးတွင်အလုံးရှိခြင်း
  • ပန်ကရိယရောဂါများ
  • ဝမ်းချုပ်ခြင်း
  • အူထဲ၌အနာပေါက်သောရောဂါ
  • ခရွန်းရောဂါ
  • အစာဟောင်းအိမ်မှသွေးထွက်ခြင်း
  • ဝမ်းလျှောခြင်း
  • အစာအိမ်အနာပေါက်ခြင်း
  • အူမကြီးနံရံတွင်အိတ်ငယ်လေးများပေါ်လာခြင်း၊ အိတ်ငယ်လေးများရောင်ခြင်း
  • အစာမျိုချရန်ခက်ခဲခြင်း
  • သည်းခြေအိတ်နှင့်ပတ်သက်သောရောဂါများ
  • အူမကြီးရောင်ရမ်းနာ
 
 
Contact
Phone:
Fax: +66 (0) 2667 2915
Service Hours
တနင်္ဂနွေနေ့မှ သောကြာနေ့အထိ - မနက် ၈ နာရီ မှ ည ၈ နာရီ အထိ
စနေနေ့ - မနက် ၈ နာရီ မှ ည ၇ နာရီ အထိ
Location
အစာအိမ်နှင့်အူလမ်းကြောင်းဌာန ဘမ်ရွန်ဂရက် အပြည်ပြည်ဆိုင်ရာဆေးရုံကြီး၊ ဒုတိယထပ်၊ မြောက်ဖက်ခြမ်း ဧည့်ခန်းမကြီးရှိ ရွေ့လျားစက်လှေကားမှ ဒုတိယထပ်သို့တက်၍ ဘယ်ဖက်ချိုးပါ။ အမှတ် ၃၃၊ ဆူကွန်ဗစ် ၃ လမ်း (နာနာလမ်းမကြီး)၊ ဝက်ထနာ၊ ဘန်ကောက် ၁၀၁၁၀၊ ထိုင်းနိုင်ငံ။