ထိုင်းနိုင်ငံ၊ ဘန်ကောက်မြို့ရှိ ဘမ်ရွန်ဂရက်အပြည်ပြည်ဆိုင်ရာဆေးရုံကြီး၏ နှလုံးကုဌာနတွင် နှလုံးကျန်းမာရေးအတွက် ကာကွယ်ရေးနှင့် စောစီးစွာရောဂါတွေ့ရှိရေးမှအစပြုကာ ရောဂါရှာဖွေရေး၊ ကုသရေး၊ နှလုံးခွဲစိတ်ခြင်းနှင့် ပြန်လည်သန်စွမ်းရေး စသည်တို့အထိ အလုံးစုံပြည့်ဝသော စစ်ဆေးကုသမှုများ ပြုလုပ်ပေးလျက်ရှိပါသည်။
ဌာနရှိ အထူးကုပေါင်း ၃၀ ကျော်သည် အမေရိကန်၊ အင်္ဂလန်၊ ကနေဒါ၊ သြစတေးလျနှင့် ဘယ်လ်ဂျီယန်နိုင်ငံများတွင် ပညာသင်ကြားခဲ့သူများဖြစ်ကြပါသည်။ ၎င်းတို့တွင် ဆေးဖြင့်ကုသသည့်ဆရာဝန်များ၊ သွေးကြောအထူးကုဆရာဝန်များ၊ နှလုံးခွဲစိတ်ဆရာဝန်များ၊ နှလုံးပြန်လည်သန်စွမ်းရေး အထူးကုများနှင့်တကွ ကလေးနှလုံးအထူးကုများလည်း ပါဝင်ပါသည်။ ဘမ်ရွန်ဂရက် အပြည်ပြည်ဆိုင်ရာဆေးရုံကြီးသို့ လာရောက်သောလူနာများမှ နိုင်ငံတိုင်းလိုလို၏ ခက်ခဲရှုပ်ထွေးသောနှလုံးလူနာများကို အဆိုပါအထူးကုများ ကြုံတွေ့ခဲ့ပြီးဖြစ်ပါသည်။
ကျွန်ုပ်တို့၏ဆရာဝန်များသည် ကျွမ်းကျင်စွာ လေ့ကျင့်ထားသော သူနာပြု၊ ဆေးဝါးကျွမ်းကျင်နှင့် အာဟာရပညာရှင် စုစုပေါင်း ၁၀၀ ကျော်ဖြင့် ပူးပေါင်းထားပါသည်။ ထို့အပြင် ၁၀ နှစ်တိုင်ရရှိခဲ့သော အမေရိကန်အခြေစိုက် JCI တရားဝင်အသိအမှတ်ပြုခြင်းနှင့်အတူ ကျွန်ုပ်တို့နှလုံးကုသရေးအဖွဲ့၏ လုပ်ဆောင်မှုများသည် ရောဂါရှာဖွေခြင်းနှင့် နှလုံးရောဂါများကုသခြင်းတို့တွင် နိုင်ငံတကာအဆင့်အတန်းကိုမှီခြင်း သို့မဟုတ် ကျော်လွန်ကောင်းမွန်ခြင်းပင် ရှိပါသည်။
ကျွန်ုပ်တို့သည် တစ်လလျှင် နှလုံးဝေဒနာရှင်ပေါင်း ၃၀၀၀ ကျော်ကို ကြည့်ရှုကုသပေးလျက်ရှိသည့်အထဲမှ လူနာ ၁၀၀၀ ကျော်မှာ ထိုးထွင်းဝင်ရောက်မှုမရှိသော အဲကိုးပုံရိပ်ရိုက်ခြင်းကဲ့သို့ စစ်ဆေးမှုများပြုလုပ်ကြသည်။ ထို့အပြင် ကျွန်ုပ်တို့သည် လစဉ် သွေးကြောပိုင်းဆိုင်ရာကုသမှုပေါင်း ၁၀၀ ကျော် စစ်ဆေးပြုလုပ်ပေးလျက်ရှိပါသည်။