ជំងឺ Coronavirus (COVID-19) គឺជាជំងឺឆ្លងដែលបណ្តាលមកពីវីរុសប្រភេទថ្មី។ មនុស្សភាគច្រើនឆ្លងវីរុសCovid-19 ដោយមានរលាកផ្លូវដង្ហើមប្រភេទស្រាលនិងមធ្យមហើយអាចជាសះស្បើយឡើងវិញដោយមិនចាំបាច់ព្យាបាល។ មនុស្សវ័យចំណាស់និងអ្នកជំងឺដែលស្ថិតក្រោមការព្យាបាលរបស់ពេទ្យ ដូចជាជំងឺសរសៃឈាមបេះដូង ទឹកនោមផ្អែម ជំងឺផ្លូវដង្ហើមរ៉ាំរ៉ៃ និងជំងឺមហារីក អាចវិវត្តទៅរកសភាពធ្ងន់ធ្ងរបាន។
លោកអ្នកអាចជ្រាបព័ត៌មានថ្មីៗស្តីអំពីការរីករាលដាលនៃជំងឺCovid-19 នៅលើគេហទំព័ររបស់អង្គការសុខភាពពិភពលោកនិងតាមរយៈអាជ្ញាធរសុខាភិបាលជាតិនិងក្នុងតំបន់របស់លោកអ្នក។ បណ្តាប្រទេសភាគច្រើនជុំវិញពិភពលោកបានរកឃើញថាមានករណីឆ្លងជំងឺ Covid-19 ហើយប្រទេសជាច្រើនកំពុងជួបប្រទះនូវការផ្ទុះឡើងនៃជំងឺនេះ។ អាជ្ញាធរប្រទេសចិននិងប្រទេសមួយចំនួនទៀតបានទទួលជោគជ័យក្នុងការទប់ស្កាត់ការឆ្លងនៃជំងឺ Covid-19 ។ ទោះបីយ៉ាងណាក៏ដោយយើងមិនអាចព្យាករណ៍ពីស្ថានភាពជំងឺនេះទុកជាមុនបានឡើយ ដូច្នេះសូមតាមដានព័ត៌មានថ្មីៗឱ្យបានញឹកញាប់។
វិធីល្អបំផុតក្នុងការការពារនិងទប់ស្កាត់ការឆ្លងគឺត្រូវផ្ដល់ព័ត៌មានឱ្យបានច្បាស់លាស់អំពីវីរុស Covid-19 យល់ដឹងពីមូលហេតុនៃជំងឺនិងការរីករាលដាល។ ការពារខ្លួនអ្នកនិងអ្នកដទៃពីការឆ្លងមេរោគដោយលាងដៃឬជូតលាងដោយអាល់កុលឱ្យបានញឹកញាប់និងកុំយកដៃប៉ះពាល់មុខរបស់លោកអ្នក។ វីរុស Covid-19 ឆ្លងរីករាលដាលតាមរយៈល្អងទឹកមាត់ឬសំបោរជាចម្បងជាសពិសេសនៅពេលអ្នកផ្ទុកមេរោគក្អកឬកណ្តាស់ ដូច្នេះកត្ដាសំខាន់ដែលលោកអ្នកគួរធ្វើគឺការគោរពអ្នកជុំវិញខ្លួន (ដូចជាក្អក កណ្ដាស់ដោយប្រើកែងដៃខ្ទប់មាត់ជាដើម) ។ បច្ចុប្បន្នពុំទាន់មានវ៉ាក់សាំងឬការព្យាបាលជាក់លាក់ណាមួយចំពោះជំងឺ Covid-19 នេះនៅឡើយទេ។ ទោះយ៉ាងណាក៏ដោយគឺមានការសាកល្បងព្យាបាលជាបន្តបន្ទាប់ដោយវាយតម្លៃទៅលើការព្យាបាលមួយដែលមានសក្តានុពល។ អង្គការសុខភាពពិភពលោកនឹងបន្តផ្តល់ព័ត៌មានថ្មីៗឱ្យបានឆាប់រហ័សនៅពេលស្រាវជ្រាវរកឃើញវិធីព្យាបាលដ៏ប្រសើរ ។ លោកអ្នកអាចកាត់បន្ថយឱកាសការឆ្លងឬរីករាលដាលជំងឺCovid-19 ដោយការប្រុងប្រយ័ត្នមួយចំនួន៖
- លាងសម្អាតដៃរបស់អ្នកឱ្យបានទៀងទាត់និងស្អាតបាតដោយអាល់កុលឬលាងសម្អាតដោយសាប៊ូនិងទឹកធម្មតា។ ហេតុអ្វី? ព្រោះការលាងសម្អាតដៃដោយសាប៊ូនិងទឹកឬការប្រើអាល់កុលសម្លាប់មេរោគអាចជួយសម្លាប់មេរោគដែលមានជាប់នៅលើដៃរបស់លោកអ្នកបាន។
- រក្សាគម្លាតយ៉ាងតិច ១ ម៉ែត្រ (៣ ហ្វីត) រវាងខ្លួនអ្នកនិងអ្នកដទៃ។ ហេតុអ្វី? ព្រោះនៅពេលនរណាម្នាក់ក្អក កណ្តាស់ឬនិយាយនឹងមានល្អងរាវតូចៗចេញពីច្រមុះឬមាត់របស់ពួកគេដែលអាចមានផ្ទុកវីរុស។ ប្រសិនបើនៅកៀកគ្នាពេក លោកអ្នកអាចស្រូបយកល្អងទឹករួមទាំងវីរុស Covid-19 ចូលមកក្នុងខ្លួនអ្នកបានបើបុគ្គលនោះមានផ្ទុកវីរុស។
- ចៀសវាងទៅកន្លែងដែលមានមនុស្សច្រើន។ ហេតុអ្វី? ព្រោះកន្លែងដែលមានមនុស្សជួបជុំគ្នាច្រើន លោកអ្នកអាចមានឱកាសជិតស្និទ្ធជាមួយនរណាម្នាក់ដែលមានផ្ទុកវីរុសCovid-19 ដោយសារតែពិបាកក្នុងការរក្សាគម្លាត ១ ម៉ែត្រ (៣ ហ្វីត) ។
- ចៀសវាងការយកដៃប៉ះភ្នែក ច្រមុះនិងមាត់។ ហេតុអ្វី? ព្រោះក្នុងមួយថ្ងៃៗដៃរបស់លោកអ្នកប៉ះពាល់វត្ថុផ្សេងៗជាច្រើន ដែលអាចមានមេរោគជាប់នឹងដៃ។ នៅពេលយកដៃកខ្វក់និងមានមេរោគទៅប៉ះភ្នែក ច្រមុះនិងមាត់មេរោគអាចផ្ទេរចួលទៅក្នុងខ្លួនរបស់លោកអ្នកបាន។
- ត្រូវប្រាកដថាអ្នកនិងមនុស្សនៅជុំវិញខ្លួនអ្នកមានសុខភាពអនាម័យផ្លូវដង្ហើមត្រឹមត្រូវ មានន័យថាត្រូវបិទមាត់និងច្រមុះដោយប្រើកែងដៃឬក្រដាសអនាម័យខ្ទប់នៅពេលលោកអ្នកក្អកឬកណ្តាស់ រួចបោះចោលភ្លាមៗនិងលាងដៃរបស់អ្នកឱ្យបានស្អាត។ ហេតុអ្វី? បញ្ឈប់ការរីករាលដាលនៃវីរុសតាមរយៈការធ្វើអនាម័យផ្លូវដង្ហើមឱ្យបានល្អ អាចជួយការពារអ្នកនិងមនុស្សនៅជុំវិញខ្លួនអ្នកពីវីរុសដូចជាផ្តាសាយធំ និង COVID-19 ។
- ស្នាក់នៅផ្ទះនិងនៅដាច់ឡែករហូតទាល់តែជាសះស្បើយ បើទោះបីលោកអ្នកមានរោគសញ្ញា ក្អក ឈឺក្បាល គ្រុនក្តៅតិចតួចក៏ដោយ។ ត្រូវឱ្យមាននរណាម្នាក់ជាអ្នករៀបចំម្ហូបអាហារជូនអ្នកជាប្រចាំ។ ប្រសិនបើលោកអ្នកត្រូវការចាកចេញពីផ្ទះសូមពាក់ម៉ាសដើម្បីចៀសវាងការឆ្លងទៅអ្នកដទៃ។ ហេតុអ្វី? ចៀសវាងការទាក់ទងជាមួយអ្នកដទៃអាចជួយការពារឱ្យចៀសផុតពីការឆ្លងជំងឺ Covid-19 និងមេរោគផ្សេងៗដែលអាចកើតមាន។
- ប្រសិនបើលោកអ្នកក្តៅខ្លួនក្អកនិងពិបាកដកដង្ហើម សូមប្រញាប់អញ្ជើញទៅជួបពេទ្យប៉ុន្តែគួរចុចហៅទូរស័ព្ទមកមន្ទីរពេទ្យជាមុនប្រសិនបើអាចនិងអនុវត្តតាមការណែនាំរបស់អាជ្ញាធរសុខាភិបាលក្នុងតំបន់របស់អ្នក។ ហេតុអ្វី? អាជ្ញាធរជាតិនិងអាជ្ញាធរមូលដ្ឋាននឹងទទួលបានព័ត៌មានថ្មីៗបំផុតអំពីស្ថានភាពនៅក្នុងតំបន់របស់អ្នក។ ការចុចហៅទូរស័ព្ទមុន អាចឱ្យអ្នកផ្តល់សេវាថែទាំសុខភាពរបស់អ្នកបញ្ជូនអ្នកទៅកាន់មណ្ឌលសុខភាពមួយដ៏សមស្រប។ លើសពីនេះថែមទៀតអាចជួយការពារអ្នកនិងជួយការពារការរីករាលដាលនៃមេរោគនិងការឆ្លងផ្សេងទៀត។
- តាមដានព័ត៌មានថ្មីៗពីប្រភពដែលអាចជឿទុកចិត្តបានដូចជាអង្គការសុខភាពពិភពលោក (WHO) ឬអាជ្ញាធរសុខាភិបាលក្នុងតំបន់និងអាជ្ញាធរជាតិ។ ហេតុអ្វី? អាជ្ញាធរក្នុងតំបន់និងថ្នាក់ជាតិមានតួនាទីផ្តល់ការណែនាំដ៏ល្អបំផុតអំពីអ្វីដែលប្រជាជននៅក្នុងតំបន់គួរតែអនុវត្តដើម្បីការពារខ្លួនឯង។
COVAX Announces new agreement, plans for first deliveries (22 January 2021)
- COVAX announced the signing of an advance purchase agreement for up to 40 million doses of the Pfizer-BioNTech vaccine; rollout to commence with successful execution of supply agreements.
- Additionally, COVAX announced that, pending WHO emergency use listings, nearly 150 million doses of the AstraZeneca/Oxford candidate are anticipated to be available in Q1 2021, via existing agreements with the Serum Institute of India (SII) and AstraZeneca.
- COVAX is therefore on track to deliver at least 2 billion doses by the end of the year, including at least 1.3 billion doses to 92 lower income economies in the Gavi COVAX AMC.
របាយការណ៍ស្តីពីស្ថានភាពជំងឺកូរ៉ូណា(COVID-2019)ពីអង្គការសុខភាពពិភពលោក WHO :
ស្ថានភាពផ្ទុះការឆ្លងជំងឺកូរ៉ូណាប្រភេទថ្មី ទិន្នន័យចុងក្រោយនៅថ្ងៃទី ១៥ ខែមករាឆ្នាំ ២០២១
- ស្ថានភាពអន្តរជាតិ
- គិតត្រឹមថ្ងៃទី ១៥ ខែមករាឆ្នាំ ២០២១ មានករណីអ្នកជំងឺសរុបចំនួន ៩៣.១៥៨.៥៤៧ នាក់ និងស្លាប់ដោយជំងឺ COVID-2019 ចំនួន ១៩៩៥.៨០៦ នាក់។ ប្រាំប្រសទេសដែលមានករណីឆ្លងជំងឺ COVID-2019 ច្រើនជាងគេរួមមាន៖ សហរដ្ឋអាមេរិក ឥណ្ឌា ប្រេស៊ីល រុស្ស៊ី និងចក្រភពអង់គ្លេស។
- ស្ថានភាពជំងឺ COVID-2019 នៅក្នុងប្រទេសថៃចុងក្រោយថ្ងៃទី ១៥ ខែមករាឆ្នាំ ២០២១
|
ករណីឆ្លង
|
11,450 |
នាក់
|
|
ករណីជាសះស្បើយ
|
8,288
|
នាក់
|
|
ករណីកំពុងគេងសម្រាកព្យាបាល
|
3,093
|
នាក់
|
|
ករណីស្លាប់
|
69
|
នាក់
|
- ការប្រុងប្រយ័ត្នរបស់ប្រទេសថៃ
- លេខាធិការអចិន្រ្តៃយ៍ក្រសួងមហាផ្ទៃបានសង្កត់ធ្ងន់ថាអភិបាលខេត្តទាំងអស់ត្រូវជំរុញវិធានការការពារនិងទប់ស្កាត់ដើម្បីទទួលបាននូវលទ្ធផលដូចខាងក្រោម
១) វិធានការទប់ស្កាត់ជនអន្តោប្រវេសន៍ខុសច្បាប់លបលួចចូលទៅក្នុងខេត្ត
២) វិធានការតឹងរឹងប្រឆាំងនឹងល្បែងស៊ីសងខុសច្បាប់
៣) វិធានការទប់ស្កាត់គ្រប់កម្មវិធីផ្សេងៗដែលអាចឆ្លងរីករាលដាលនៃជំងឺ COVID-19
៤) ការបង្កើតមន្ទីរពេទ្យនៅតាមតំបន់និង
៥) ផ្សព្វផ្សាយឱ្យប្រជាជនប្រើប្រាស់កម្មវិធីម៉ឆៈណៈ “ Morchana”
- រដ្ឋមន្រ្តីក្រសួងអប់រំបានបញ្ជាក់ថា ការគ្រប់គ្រងវគ្គសិក្សាក្នុងវិស័យអប់រំអាចប្រព្រឹត្តទៅបានយ៉ាងប្រសើរបន្ទាប់ពីមានសេចក្តីប្រកាសជូនដល់ស្ថាប័នអប់រំតាមខេត្តចំនួន ២៨ ដែលស្ថិតនៅតំបន់ត្រួតត្រាខ្ពស់ អាចបើកការបង្រៀនតាមប្រព័ន្ធអនឡាញបានរហូតដល់ថ្ងៃទី ៣១ ខែមករាឆ្នាំ ២០២១ ។ ដោយសង្កត់ធ្ងន់លើការធ្វើសមាហរណកម្មចំណេះដឹង ដើម្បីកាត់បន្ថយវិសមភាពនៃការប្រើប្រាស់បច្ចេកវិទ្យា។ លើសពីនេះក្រសួងអប់រំបានកែសម្រួលការរៀបចំថវិកាដើម្បីទប់ទល់នឹងស្ថានភាពបច្ចុប្បន្នដោយផ្តោតលើការប្រើប្រាស់បច្ចេកវិទ្យាច្នៃប្រឌិតនិងប្រព័ន្ធឌីជីថល។ នេះគឺជាការកែតម្រូវថ្មីសម្រាប់ប្រព័ន្ធអប់រំដែលត្រូវបានទទួលស្គាល់នៅក្នុងថ្នាក់អន្តរជាតិ
- អង្គការឱសថនៃក្រសួងសុខាភិបាលត្រូវបានចាត់តាំងជាអ្នកទិញនិងចែកចាយវ៉ាក់សាំងស៊ីណូវ៉ាក់ (Sinovac) ពីប្រទេសចិននឹងត្រូវចុះបញ្ជីនៅក្នុងរដ្ឋបាលចំណីអាហារនិងឱសថ (FDA)ថ្ងៃទី ១៤ ខែកុម្ភៈឆ្នាំ ២០២១ ដើម្បីធានានូវគុណភាពនិងសុវត្ថិភាពវ៉ាក់សាំង។ វ៉ាក់សាំងនេះចាំបាច់ត្រូវមានការអនុញ្ញាតពីវិទ្យាស្ថានអន្តរជាតិនិងរដ្ឋបាលចំណីអាហារនិងឪសថថៃមុនពេលនាំយកមកចាក់បន្តិចម្តង ៗ ដល់បុគ្គលិកថែទាំសុខភាពនិងក្រុមបុគ្គលដែលមានហានិភ័យនៃការឆ្លងជំងឺ COVID-19 នៅតំបន់ត្រួតត្រាជាអតិបរមា។
ការវាយតំលៃហានិភ័យនៃស្ថានភាពជំងឺ COVID-19 យោងតាមស្ថានភាពនៃការផ្ទុះរលកថ្មីបានបង្ហាញថា លំនាំនៃការផ្ទុះរលកថ្មីនេះខុសគ្នាពីរលកដំបូង។ អាចនិយាយម៉្យាងទៀតថា ករណីរលកថ្មីត្រូវបានគេរកឃើញលើអ្នកដំណើរដែលបានធ្វើដំណើរវិលត្រឡប់មកពីបរទេស ដោយវីរុសបានឆ្លងរាលដាលក្នុងចំណោមអ្នកជិតស្និទ្ធនឺងជនបរទេសឬនៅក្នុងក្រុមអ្នកផ្តល់សេវាកម្ម។ រលកថ្មីខុសពីរលកដំបូងដែលករណីទាំងនេះត្រូវបានរកឃើញនៅក្នុងក្រុមមនុស្សដែលបានចូលរួមពិធីជប់លៀងជាហេតុនាំឱ្យមានការរីករាលដាលយ៉ាងឆាប់រហ័សនៃជំងឺនេះ។ ក្រុមហានិភ័យនៃរលកថ្មីនេះគឺកើតលើមនុស្សដែលមានអាយុចន្លោះពី ២៥ ទៅ ៦០ ឆ្នាំដែលពួកគាត់តែងតែធ្វើដំណើរនិងប្រាស្រ័យទាក់ទងមនុស្សជាច្រើន។ ភាគច្រើននៃករណីថ្មីៗដែលត្រូវបានបញ្ជាក់នៅក្នុងរយៈពេលនេះគឺជាមនុស្សដែលបានចូលរួមពិធីជប់លៀងចូលឆ្នាំថ្មី និងករណីអ្នកដែលនៅជិតដិតជាមួយអ្នកធ្លាប់កើត។ វាគឺជា ការផ្ទុះឡើងនៃចង្កោមតូចមួយ ដែលអាចការពារដោយការអនុវត្តរក្សាគម្លាតឆ្ងាយពីគ្នា។
ដូច្នេះវិធានការត្រួតពិនិត្យជំងឺគួរតែផ្តោតលើការអនុវត្តអោយបានទូលំទួលាយដើម្បីកាត់បន្ថយការរីករាលដាលនៃជំងឺនេះទៅមនុស្សជំនាន់ក្រោយ។ កិច្ចសហប្រតិបត្តិការពីមនុស្សគ្រប់រូប គឺជាកត្តាសំខាន់មួយក្នុងការគ្រប់គ្រងនិងទប់ស្កាត់ការផ្ទុះឡើងវិញ ដោយធ្វើការពាក់ម៉ាស លាងដៃញឹកញាប់ កាត់បន្ថយការធ្វើដំណើរដែលមិនចាំបាច់ជាពិសេសនៅកន្លែងគ្រោះថ្នាក់ ជាមួយមនុស្សកុះករ និងស្កែនកម្មវិធី
Thaichana ឬ
Morchana ពេលធ្វើដំណើរ។
ប្រសិនបើនរណាម្នាក់មានគ្រុនក្តៅក្អកឈឺបំពង់កឬបាត់បង់ក្លិននិងរសជាតិសូមស្វែងរកការណែនាំពីគ្រូពេទ្យជាបន្ទាន់និងបង្ហាញពីប្រវត្តិនៃការធ្វើដំណើរឱ្យបានច្រើនបំផុតតាមដែលអាចធ្វើទៅបាន។ ទីភ្នាក់ងាររដ្ឋាភិបាលត្រូវតាមដានការអនុវត្តវិធានការត្រួតពិនិត្យរួមទាំងរក្សាគម្លាតពីគ្នា នៅក្នុងតំបន់ហានិភ័យ ដែលមានមនុស្សច្រើនដូចជាហាងស្រា បារនិងភោជនីយដ្ឋាន
ស្ថានភាពបច្ចុប្បន្នកាល Covid-19 ក្នុងប្រទេសថៃ សកម្មភាព IC: ការរៀបចំនិងផែនការឆ្លើយតបដើម្បីការពារការឆ្លងមេរោគនៅមន្ទីរពេទ្យបាំរុងរ៉ាដ
- ការត្រៀមលក្ខណៈដើម្បីទប់ទល់នឹងការផ្ទុះឡើងដោយសហការជាមួយនាយកដ្ឋានដែលពាក់ព័ន្ធដើម្បីបង្កើតមជ្ឈមណ្ឌលការពារ Covid-19 ចាប់តាំងពីថ្ងៃទី ៤ ខែមករាឆ្នាំ ២០២០ ក៏ដូចជាការពិនិត្យឡើងវិញនូវការងារនិងការសិក្សាយល់ដឹងអំពីជំងឺប្រភេទថ្មី (ហៅថាកូដ IC) ។
- ពិនិត្យឡើងវិញនិងកិច្ចទំនាក់ទំនងលំដាប់ការងារផ្ដល់សេវាកម្មដល់អ្នកជំងឺឱ្យមានសុវត្ថិភាពទាំងអ្នកជំងឺនិងបុគ្គលិកក្នុងស្ថានភាព Covid-19 ។
- ការបណ្តុះបណ្តាលនិងការផ្ដល់ចំណេះដឹងសម្រាប់អ្នកជំនាញវេជ្ជសាស្រ្តនិងបុគ្គលិកមន្ទីរពេទ្យ។
- ការផ្ដល់ភាពងាយស្រួល ៖ មានបន្ទប់សម្ពាធអវិជ្ជមាននិងត្រៀមទុករួចជាស្រេចសម្រាប់ទទួលអ្នកជំងឺ។ កំណត់ទីតាំងសម្រាប់អ្នកជំងឺដែលមានហានិភ័យខ្ពស់ឬអ្នកជំងឺដែលមានរោគសញ្ញាខាងផ្លូវដង្ហើម។
- មានស្តុកឧបករណ៍ការពារផ្ទាល់ខ្លួននិងត្រៀមទុកសម្រាប់ប្រើប្រាស់បានគ្រប់ពេល។
- បង្កើតមន្ទីរពិសោធន៍របស់មន្ទីរពេទ្យដើម្បីគាំទ្រការធ្វើតេស្តរកវីរុស SARS-CoV-2
- ក្រុម IC ធ្វើការតាមដានស្ថានភាពការរីករាលដាលនៃជំងឺទាំងក្នុងនិងក្រៅប្រទេស។ សហការយ៉ាងជិតស្និទ្ធជាមួយនាយកដ្ឋានប្រយុទ្ធប្រឆាំងជំងឺ ក្រសួងសុខាភិបាល (MOPH) ។ រៀបចំនិងធ្វើការសាកសួរបំពេញបែបបទនៅច្រកចូល។
- សហការជាមួយក្រុមការងារស្វែងរកឧបករណ៍ពេទ្យដើម្បីផ្គត់ផ្គង់លើវិធានការការពារសុវត្ថិភាពនិងផ្តល់ការធានាដល់អតិថិជនដូចជា Xenex, EOS (Extra aerosol Oral Suction), LUCAS.
- សហការជាមួយក្រុមការងារដឹកជញ្ជូនផ្នែកវេជ្ជសាស្ត្រដើម្បីផ្ទេរអ្នកជំងឺនិងសាច់ញាតិពីក្រៅប្រទេសមកទទួលការព្យាបាល។ ហើយក៏ជាចំណែកមួយនៃក្រុមការងារស្តីពីការបង្កើតការធានារ៉ាប់រងនៃការធ្វើច័ត្ដាឡីស័កក្នុងទីកន្លែងឬមន្ទីរពេទ្យដែលបានកំណត់ ។
សេចក្ដីណែនាំសម្រាប់ការធ្វើដំណើរក្នុងកំឡុងពេល Covid-19៖ COVID-19 នៅប្រទេសថៃស្ថិតនៅក្នុងកម្រិតទាប
ការធ្វើដំណើរអាចបង្កើនឱកាសក្នុងការឆ្លងនិងរីករាលដាល COVID-19 ។ ការស្នាក់នៅក្នុងផ្ទះគឺជាមធ្យោបាយដ៏ល្អបំផុតដើម្បីការពារខ្លួនអ្នកនិងអ្នកដទៃពីឆ្លង COVID-19 ។ អាកាសយានដ្ឋាន ស្ថានីយ៍រថយន្ដក្រុង ស្ថានីយ៍រថភ្លើងនិងចំណតផ្សេងៗគឺសុទ្ធតែជាកន្លែងដែលមានអ្នកដំណើរអាចប្រឈមនឹងការឆ្លងមេរោគ។ ហើយក៏ជាកន្លែងដែលពិបាកក្នុងការរក្សាគម្លាតផងដែរ។ ប្រសិនបើលោកអ្នកចាំបាច់ធ្វើដំណើរ សូមរៀបចំវិធានការមុនពេល ក្នុងកំឡុងពេលនិងក្រោយពេលធ្វើដំណើរដើម្បីការពារខ្លួនអ្នកនិងអ្នកដទៃពីការឆ្លង COVID-19 ។
ព័ត៌មានសំខាន់ៗសម្រាប់អ្នកដំណើរទៅប្រទេសថៃ
- សូមធ្វើតេស្តិ៍ពិនិត្យរោគសញ្ញារយៈពេល ១-៣ ថ្ងៃ មុនពេលលោកអ្នកធ្វើដំណើរ។ សូមកុំធ្វើដំណើរប្រសិនបើលោកអ្នកកំពុងរង់ចាំលទ្ធផលឬមានអាការ៖មិនស្រួល។ អនុវត្តតាមលក្ខខ័ណ្ឌការឆ្លងចូលទៅក្នុងប្រទេសទីពីរ ដោយផ្ដល់ព័ត៌មានឱ្យបានលម្អិតទាក់ទងនឹងសុខភាព ឬតាមការសាកសួររបស់ភ្នាក់ងារដែលពាក់ព័ន្ធ ។
- ពេលធ្វើដំណើរត្រូវពាក់ម៉ាស រក្សាគម្លាតយ៉ាងតិច ៦ ហ្វីតពីអ្នកដទៃដែលមិនបានរួមដំណើរជាមួយអ្នក
លាងដៃញឹកញាប់ឬប្រើទឹកអាល់កុលលាងសម្អាតដៃនិងសង្កេតតាមដានសុខភាពរបស់ខ្លួនអ្នកផ្ទាល់។
សូមធ្វើតេស្តពិនិត្យរោគសញ្ញា ១-៣ថ្ងៃ មុនពេលធ្វើដំណើរវិលត្រលប់មកវិញ ។ អនុវត្តតាមការណែនាំឬលក្ខខ័ណ្ឌប្រទេសនិងបទបញ្ជារបស់ក្រុមហ៊ុនអាកាសចរណ៍គ្រប់ប្រភេទ។
- បន្ទាប់ពីលោកអ្នកធ្វើដំណើររួចស្រេច សូមបន្តអនុវត្តវិធានការនេះតទៅទៀត ដើម្បីការពារខ្លួនអ្នកនិងអ្នកដទៃពីការឆ្លងជំងឺ សូមពាក់ម៉ាសរាល់ពេលចេញទៅខាងក្រៅផ្ទះ ត្រូវរក្សាគម្លាត ៦ ហ្វីតពីមនុស្សដែលមិនមែនជាគ្រួសាររបស់អ្នក លាងដៃញឹកញាប់ឬប្រើទឹកអាល់កុលលាងដៃនិងសង្កេតសុខភាពរបស់ខ្លួនអ្នក។
- ប្រសិនបើអ្នកបានចូលរួមក្នុងកម្មវិធីដែលមានហានិភ័យខ្ពស់ (ដូចជាពិធីរៀបអាពាហ៍ពិពាហ៍ ការប្រគំតន្ត្រី ព្រលានយន្តហោះ កប៉ាល់ទេសចរណ៍។ ល។ ) ត្រូវធ្វើតេស្ត ៣-៥ ថ្ងៃបន្ទាប់ពីធ្វើដំណើររួចនិងស្នាក់នៅផ្ទះរយៈពេល ៧ ថ្ងៃ ។
- ប្រសិនបើអ្នកមិនបានធ្វើតេស្ត ត្រូវស្នាក់នៅផ្ទះរយៈពេល ១០ ថ្ងៃទើបមានសុវត្ថិភាពបំផុត។
- ប្រសិនបើអ្នកដឹងថាខ្លួនអ្នកបានប៉ះពាល់ជាមួយអ្នកជំងឺ COVID -19 ខណៈពេលកំពុងធ្វើដំណើរ សូមពន្យាពេលការធ្វើដំណើរ នៅដាច់ដោយឡែកពីអ្នកដទៃ ធ្វើតេស្តពិនិត្យនិងសង្កេតតាមដានសុខភាពរបស់អ្នក
- អនុវត្តតាមសេចក្ដីណែនាំរបស់រដ្ឋាភិបាលនិងអាជ្ញាធរមូលដ្ឋានឬលក្ខខ័ណ្ឌទាក់ទងនឹងការធ្វើដំណើរ
ព័ត៌មានបច្ចុប្បន្នសម្រាប់អ្នកដំណើរទៅប្រទេសថៃ៖
នាយកដ្ឋានប្រយុទ្ធប្រឆាំងជំងឺណែនាំឱ្យប្រជាជនប្រុងប្រយ័ត្ននឹងជំងឺរាគរូសដោយណែនាំតាមគោលការណ៍ "បរិភោគអាហារឆ្អិនថ្មីៗនិងស្អាត" ។ រាគរួសគឺជាជំងឺឆ្លងដែលបណ្តាលមកពីការបរិភោគអាហារនិងទឹកដែលមានផ្ទុកបាក់តេរីវីរុសធាតុបង្កជំងឺជាតិពុលនិងសារធាតុគីមីជាដើម។ ក្នុងរដូវរងារសីតុណ្ហភាពទាបក៏ជាចំណែកមួយនៃការលូតលាស់នៃវីរុស ងាយឆ្លងជំងឹនិងរីករាលដាលយ៉ាងឆាប់រហ័ស។ ដូចជានៅក្នុងទឹកផឹកនិងទឹកកកមានភ្នាក់ងារបង្កជំងឺគឺវីរុស rotavirus និង Noro ដែលជារឿយៗតែងតែកើតជំងឺលើកុមារដោយបណ្តាលឱ្យឈឺពោះរាគរូស ក្តៅខ្លួន អស់កម្លាំង ក្អួតចង្អោរ ដោយសារតែវីរុសបង្កឱ្យពោះវៀនមានការស្រូបយកសារធាតុចិញ្ចឹមថយចុះ អ្នកដែលខ្សោះជាតិទឹកអាចនឹងមានរោគសញ្ញាធ្ងន់ធ្ងរ ដូចជាបបូរមាត់ស្ងួត នោមតិច ភ្នែករូងជាដើម។វាជាសញ្ញាគ្រោះថ្នាក់ដល់ទារកនិងកុមារតូចៗ អាចបណ្តាលឱ្យប្រកាច់ សន្លប់និងឈានដល់ការបាត់បង់អាយុជីវិត។ ឪពុកម្តាយគួរតែមើលថែម្ហូបអាហាររបស់កុមារតូចៗឱ្យបានត្រឹមត្រូវ។
- និច្ច។ ជាទូទៅមនុស្សគ្រប់រូបគួរជៀសវាងទទួលទានអាហារដែលទុកចោលពេញមួយយប់ក្នុងទូទឹកកកឬអាហារដែលមានក្លិនខុសពីធម្មតា។ អ្នកដែលមាននាទីរៀបចំចំណីអាហារគួរតែអនុវត្តអនាម័យផ្ទាល់ខ្លួនឱ្យបានល្អដោយការលាងដៃឱ្យបានញឹកញាប់ ជាពិសេសមុនពេលចម្អិនអាហារនិងក្រោយពេលចូលបង្គន់។ ការយកចិត្តទុកដាក់លើការអនាម័យចំណីអាហារអាចជួយការពារការចម្លងមេរោគ ក្នុងករណីមានស្នាមរបួសនៅលើដៃ។ អ្នករៀបចំម្ហូបអាហារគួរតែពាក់ស្រោមដៃប្លាស្ទិចជានិច្ចខណៈពេលកំពុងចំអិនអាហារ។
- អេបូឡា៖ សេចក្តីសង្ខេបអំពីស្ថានភាពអេបូឡាដែលបានធ្វើផ្ដល់ព័ត៌មានចុងក្រោយនៅថ្ងៃទី ១៨ ខែវិច្ឆិកាឆ្នាំ ២០២០
- ចាប់ពីថ្ងៃទី ១ ខែមិថុនាដល់ថ្ងៃទី ១៨ ខែវិច្ឆិកាឆ្នាំ ២០២០ ករណីជំងឺ EVD សរុប ១៣០ នាក់ ក្នុងនោះមាន ១១៩ នាក់ ត្រូវបានបញ្ជាក់ថាឆ្លង។ របាយការណ៍មរណភាពមានចំនួន ៥៥ នាក់ (អត្រាមរណភាពសរុបតាមរបាយការណ៍គឺ ៤២%)
- MERS-CoV៖ សេចក្តីសង្ខេបអំពីស្ថានភាព MERS ដែលបានផ្ដល់ព័ត៌មានចុងក្រោយនៅថ្ងៃទី ២ ខែកក្កដាឆ្នាំ ២០២០
- នៅចន្លោះថ្ងៃទី ១ ខែមេសាដល់ថ្ងៃទី ៣១ ខែឧសភាឆ្នាំ ២០២០, National IHR Focal Point ប្រទេសអារ៉ាប់ប៊ីសាអូឌីតបានរាយការណ៍ពីករណីឆ្លង MERS-CoV ថ្មីចំនួន ៩ នាក់ ។ ករណីទាំងនេះត្រូវបានគេរាយការណ៍មកពីតំបន់រីយ៉ាដ (៧ នាក់) តំបន់អាស៊្រី (១ នាក់) និងតំបន់ភាគខាងជើង (១ នាក់) ។
- ចាប់ពីថ្ងៃទី ៩ ដល់ថ្ងៃទី ១៣ ខែមករាឆ្នាំ ២០២០, National IHR Focal Point អារ៉ាប់អ៊ីម៉ារ៉េតបានជូនដំណឹងដល់អង្គការសុខភាពពិភពលោកជ្រាបពីករណីឆ្លង coronavirus បញ្ជាក់ដោយមន្ទីរពិសោធន៍នៃការឆ្លងមេរោគផ្លូវដង្ហើមមជ្ឈឹមបូព៌ា (MERS-CoV) មាន ២ នាក់ជាម្ចាស់កសិដ្ឋានចិញ្ចឹមអូដក្នុងទីក្រុង Al Ain តំបន់ Abu Dhabi ក្នុងប្រទេសអារ៉ាប់អ៊ីម៉ារ៉េត។
- នៅថ្ងៃទី ១៨ ខែកុម្ភះ ឆ្នាំ ២០២០ National IHR Focal Point សម្រាប់ប្រទេសកាតាបានរាយការណ៍ជូនដំណឹងដល់អង្គការសុខភាពពិភពលោកមានការឆ្លង ១ នាក់បញ្ជាក់ដោយមន្ទីរពិសោធន៍នៃជម្ងឺផ្លូវដង្ហើមមជ្ឈឹមបូព៌ា (MERS-CoV) ដែលមានសាច់ញាតិក្នុងគ្រួសាររស់នៅក្នុងទីក្រុងដូហាប្រទេសកាតា។
- ចាប់តាំងពីឆ្នាំ ២០១២ រហូតដល់ថ្ងៃទី ៣១ ខែឧសភាឆ្នាំ ២០២០ ចំនួនករណីឆ្លងនៃមេរោគ MERS-CoV ដែលត្រូវបានបញ្ជាក់ទូទាំងពិភពលោកដល់អង្គការសុខភាពពិភពលោកមានចំនួន ២.៥៦២ នាក់ ដែលមានអ្នកស្លាប់ចំនួន ៨៨១ នាក់។
នាយកដ្ឋានត្រួតពិនិត្យជំងឺឆ្លងបានផ្ដល់ព័ត៌មានចុងក្រោយស្ដីអំពីជំងឺឆ្លងនៅក្នុងប្រទេសនិងក្រៅប្រទេសជារៀងរាល់សប្តាហ៍ទៅកាន់នាយកដ្ឋានដែលពាក់ព័ន្ធដោយយោងតាមរបាយការណ៍អង្គការសុខភាពពិភពលោក (WHO) និងនាយកដ្ឋានប្រយុទ្ធប្រឆាំងជំងឺនៃក្រសួងសុខាភិបាល ដែលមានគោលបំណងទុកជាទិន្នន័យជូនដល់នាយកដ្ឋានពាក់ព័ន្ធដូចខាងក្រោម
ទិន្នន័យចុងក្រោយប្រចាំសប្តាហ៍ទី ២ ឆ្នាំ ២០២១ : ១៥-១៥ មករា ២០២១ មានព័ត៌មានលំអិតដូចខាងក្រោម
1. ស្ថានភាពពិភពលោក (យោងតាមអង្គការសុខភាពពិភពលោក)
| ជំងឺ |
ភាពកង្វល់តាមបណ្ដាខេត្ត
|
| MERS-CoV |
- អារ៉ាប់ប៊ីសាអូឌីត៖ (ទិន្នន័យចុងក្រោយ ២ កក្កដា ២០២០) រីយ៉ាតអាសានិងខាងជើង
- អារ៉ាប់រួមអេមីរ៉ាតអារ៉ាប់រួម៖ (ទិន្នន័យចុងក្រោយ ១៣ មករា ២០២០) អាប៊ូដាប៊ី
- កាតា (ទិន្នន័យចុងក្រោយ ១៨ កុម្ភៈ ២០២០)
|
ជំងឺមេរោគ
អេបូឡា |
- សាធារណរដ្ឋប្រជាធិបតេយ្យកុងហ្គោ៖ (ទិន្នន័យចុងក្រោយ ១៨ វិច្ឆិកា ២០២០)
|
| កញ្ជ្រិល |
- សាធារណរដ្ឋប្រជាធិបតេយ្យកុងហ្គោ៖ (ទិន្នន័យចុងក្រោយ ៦ ឧសភា ២០២០)
- ម៉ិកស៊ិក (ទិន្នន័យចុងក្រោយ ២១ មេសា ២០២០)
|
| ជំងឺគ្រុនឈាម |
- បារាំង (ទិន្នន័យចុងក្រោយ ២៣ មេសា ២០២០)
- ឈីលី (ទិន្នន័យចុងក្រោយ ៧ កុម្ភៈ ២០២០)
|
| គ្រុនលឿង |
- បារាំង (ទិន្នន័យចុងក្រោយ ១ សីហា ២០២០)
- ហ្គាបុង (ទិន្នន័យចុងក្រោយ ១៧ មិថុនា ២០២០)
- ប្រទេសអេត្យូពី (ទិន្នន័យចុងក្រោយ ៣ មីនា ២០២០)
- ស៊ូដង់ (ទិន្នន័យចុងក្រោយ ៣ មីនា ២០២០)
|
| ឈីឈីងហ្គូល |
- សាធារណរដ្ឋប្រជាធិបតេយ្យកុងហ្គោ (ទិន្នន័យចុងក្រោយ ១ ឧសភា ១៩)
|
| គ្រុនផ្តាសាយបក្សី |
- នេប៉ាល់ (H5N1)
- ភាសាចិនតៃប៉ិ (H5N2) (ទិន្នន័យចុងក្រោយ ២៧ មិថុនា ១៩ គ្មានករណីថ្មីនៃការឆ្លងមេរោគមនុស្សទេ)
|
| ប៉េស្ត |
- សាធារណរដ្ឋប្រជាធិបតេយ្យកុងហ្គោ៖ (ទិន្នន័យចុងក្រោយ ២៣ កក្កដា ២០២០
|
| អាសន្នរោគ |
- តូហ្គោ (ទិន្នន័យចុងក្រោយ ៤ មករា ២០២១)
|
2. ស្ថានភាពក្នុងប្រទេស (យោង៖ នាយកដ្ឋានប្រយុទ្ធនឹងជំងឺនៃក្រសួងសុខាភិបាលសាធារណៈ)
| រាគ |
របាយការណ៍ចាប់ពីថ្ងៃទី ១ ដល់ ១២ មករា ២០២១ : ៣៧៤៧ ករណី ខេត្តទាំង ៥
- Sri sa Ket
- Mukdahan
- Ubon Ratchathani
- Phrae
- Phayao
|
រលាកសួត
|
របាយការណ៍ចាប់ពីថ្ងៃទី ១ ដល់ ១២ មករា ២០២១ : ១២១៩ ករណី ខេត្តទាំង ៥
- Sri Sa Ket
- Ubon Ratchathani
- Phayao
- Prachuap Khiri Khan
- Krabi
|
| គ្រុនផ្តាសាយ A (H1N1, H3N2) |
របាយការណ៍ចាប់ពីថ្ងៃទី១-១០ មករា ២0២១ : ២០០ ករណី ខេត្តទាំង ៥
- Ubon Ratchathani
- Krabi
- Phitsanulok
- Phrae
- Uttaradit
|
ដៃជើងមាត់
|
របាយរាយការណ៍ចាប់ពីថ្ងៃទី ១-១០ មករា ២០២១ : ២៥៣ ករណី ខេត្តទាំង ៥
- Phayao
- Phrae
- Mukdahan
- Prachuap Khiri Khan
- Loei
|
| គ្រុនឈាម |
របាយការណ៍ចាប់ពីថ្ងៃទី ១-១០ មករា ២០២១ : ១៨ ករណី ខេត្តទាំង ៥
- Krabi
- Prachuap Khiri Khan
- Mae Hong Son
- Ubon Ratchathani
- Phetchaburi
|
| ឈីឈីងហ្គូល |
របាយរាយការណ៍ចាប់ពីថ្ងៃទី ១-១០ មករា ២០២១ មាន ៣ ករណី ខេត្តទាំង ៥
- Sri Sa Ket
- Bangkok
|