ការវះកាត់ផ្លាស់ប្តូរប្រព័ន្ធតម្រងនោមដោយប្រព័ន្ធបច្ចេកវិទ្យា da Vinci Xiនៅមជ្ឈមណ្ឌលវះកាត់មនុស្សយន្តនៅក្នុងមន្ទីរពេទ្យបាំរុងរ៉ាដ

ជំងឺក្រពេញប្រូស្តាត ជំងឺតម្រងនោម ឬជំងឺប្លោកនោម អាចផ្លាស់ប្ដូរជីវិតបាន។ នៅមជ្ឈមណ្ឌលបាំរុងរ៉ាដការវះកាត់ដោយមនុស្សយន្តផ្ដល់ក្តីសង្ឃឹមថ្មីជួយអ្នកជំងឺ ជាមួយនឹងការវះកាត់ដែលប្រកបដោយទំនុកចិត្តខ្ពស់ កាត់បន្ថយការឈឺចាប់ និងឆាប់ជាសះស្បើយជាងមុន។
 

 សារៈសំខាន់នៃការថែទាំប្រព័ន្ធទឹកមូត្រ

ប្រព័ន្ធផ្លូវទឹកមូត្រមានសារៈសំខាន់សម្រាប់ការរក្សាតុល្យភាពក្នុងរាងកាយ តម្រងឈាម បំបាត់កាកសំណល់ និងការគ្រប់គ្រងជាតិទឹក រួមទាំងតម្រងនោម បង្ហួរនោម ប្លោកនោម ក្រពេញប្រូស្តាត និងបង្ហួរទឹកនោម។

នៅពេលដែលសរីរាង្គទាំងនេះរងការផលប៉ះពាល់ដោយជំងឺដូចជា មហារីកក្រពេញប្រូស្តាត មហារីកតម្រងនោម មហារីកប្លោកនោម ឬការស្ទះផ្លូវទឹកនោមធ្ងន់ធ្ងរ ផលប៉ះពាល់ហួសពីបញ្ហារាងកាយ។ អ្នកជំងឺតែងតែមានអារម្មណ៍តានតឹងផ្លូវចិត្ត មានជីវិតក្នុងថ្ងៃអនាគតមិនទៀង និងការរំខានដល់ជីវិតប្រចាំថ្ងៃ។

ខណៈពេលដែលបៀបរស់នៃការរស់នៅផ្លាស់ប្តូរ ថ្នាំពេទ្យអាចជួយព្យាបាលក្នុងដំណាក់កាលដំបូង ស្ថានភាពធ្ងន់ធ្ងរ ឬមហារីកជារឿយៗតម្រូវឱ្យព្យាបាលដោយការវះកាត់។
ពីមុនការវះកាត់អាចមានស្នាមរបួសធំ និងស្នាក់នៅមន្ទីរពេទ្យយូរ ប៉ុន្តែបច្ចុប្បន្នការវះកាត់បានឈានចូលយុគសម័យថ្មីជាមួយនឹងបច្ចេកវិទ្យាទំនើបដូចជាមនុស្សយន្ត។
 

តើប្រព័ន្ធវះកាត់ដោយមនុស្សយន្ត da Vinci Xi គឺជាអ្វី?

ប្រព័ន្ធវះកាត់ da Vinci Xi ជាប្រព័ន្ធមនុស្សយន្តជំនួយការវះកាត់ដ៏ទំនើប ដែលត្រូវបានរចនាឡើងដើម្បី លើកកម្ពស់ សមត្ថភាពរបស់គ្រូពេទ្យវះកាត់ មិនមែនជំនួសគ្រូពេទ្យនោះទេ។
វាមានសមាសធាតុដូចជា៖

• តុបញ្ជាការរបស់គ្រូពេទ្យវះកាត់: ផ្តល់នូវរូបភាព 3D គុណភាពខ្ពស់និង ពង្រីកកាយវិភាគសាស្ត្រ គ្រប់ចលនាដៃរបស់គ្រូពេទ្យវះកាត់ ត្រូវបានបំផ្លែងទៅជាចលនារបស់មនុស្សយន្តយ៉ាងជាក់លាក់។
• រទេះអ្នកជំងឺ: មានដៃមនុស្សយន្ត ដែលបំពាក់ដោយឧបករណ៍វះកាត់ដែលមានកដៃអាចបត់បែន និងបង្វិលលើសពីចលនាធម្មតារបស់ដៃមនុស្ស។
• ដែនទស្សនីយភាព: ជាឧបករណ៍ដែលធ្វើសមាហរណកម្មនូវប្រព័ន្ធរូបភាព និងទំនាក់ទំនងដ៏ទំនើប។ 
  ផ្តល់ឱ្យក្រុមគ្រូពេទ្យវះកាត់នូវទិដ្ឋភាពលម្អិត និង ពេលវេលាពិត អំឡុងពេលវះកាត់។

ជាមួយនឹងសមត្ថភាបត់បែន 360 ដឺក្រេ និង ការច្រោះរំញ័រ ប្រព័ន្ធនេះអាចជួយយកដុំសាច់ចេញបានយ៉ាង ត្រឹមត្រូវ ខណៈពេលជាមួយគ្នាអាចការពារមិនឱ្យប៉ះពាល់សរសៃប្រសាទ, សរសៃឈាម, និងជាលិកាជុំវិញ។

 ការប្រៀបធៀបពីវិធីសាស្រ្តវះកាត់

 

លក្ខណៈពិសេស	ការវះកាត់បែបបើក	ការវះកាត់ដោយប្រើកាមេរ៉ាឆ្លុះ	ការវះកាត់ដោយមនុស្សយន្ត (da Vinci Xi)
ទំហំស្នាមវះ	ធំ (10-20សង់ទីម៉ែត្រ)	តូច (0.5-1 សង់ទីម៉ែត្រ)	តូច (0.5-1 សង់ទីម៉ែត្រ)
គំហើញរបស់គ្រូពេទ្យវះកាត់	ដោយផ្ទាល់, មានកំណត់	កាមេរ៉ា 2D	3D HD ពង្រីករហូតដល់ 10 ដង
ចលនាឧបករណ៍	ដៃកាន់, មានកំណត់	រឹង,  ដូចដំបង	កដៃ ចលនាបង្វិល360°
ការបាត់បង់ឈាម	ខ្ពស់ជាង	មធ្យម	តិចតួចបំផុត
ឈឺចាប់បន្ទាប់ពីការវះកាត់	មានការឈឺចាប់	កាត់បន្ថយ	កាត់បន្ថយយ៉ាងខ្លាំង
ការស្នាក់នៅមន្ទីរពេទ្យ	យូរជាង(៧-១០ ថ្ងៃ)	រយៈពេលខ្លី(3-5ថ្ងៃ)	រយៈពេលខ្លី(1-3ថ្ងៃ)
ការជាសះស្បើយ	ពីសប្តាហ៍ទៅខែ	ជាច្រើនសប្តាហ៍	ការវិលត្រឡប់ទៅរកជីវិតប្រចាំថ្ងៃបានលឿនជាងមុន
ហានិភ័យនៃផលវិបាក	ខ្ពស់ជាង	មធ្យម	ទាបជាង
លទ្ធផលមុខងារ (ឧ. ការវះកាត់ក្រពេញប្រូស្តាត)	ទាបជាង	ប្រសើរឡើង	លទ្ធផលល្អបំផុតដោយភាពជាក់លាក់ក្នុងការរក្សាសរសៃប្រសាទ

តើពេលណាត្រូវពិចារណាលើការវះកាត់តម្រងនោម និងផ្លូវទឹកមូត្រដោយជំនួយមនុស្សយន្ត?

គ្រូពេទ្យរបស់អ្នកអាចណែនាំការវះកាត់ដោយជំនួយមនុស្សយន្តប្រសិនបើអ្នកត្រូវបានគេធ្វើរោគវិនិច្ឆ័យថាមាន៖

• មហារីកក្រពេញប្រូស្តាត 
• មហារីក ឬដុំសាច់ក្នុងតម្រងនោម 
• មហារីកប្លោកនោម
• ស្ទះផ្លូវទឹកនោមធ្ងន់ធ្ងរ 
• បញ្ហាស្មុគស្មាញនៃប្រព័ន្ធទឹកនោមដែលតម្រូវឱ្យមានការជួសជុល ឬការកសាងឡើងវិញ 

នីតិវិធី​វះកាត់​តម្រងនោម និង​ផ្លូវទឹកមូត្រ​កម្រិតខ្ពស់​នៅ​មន្ទីរពេទ្យបាំរុងរ៉ាដ

នៅមជ្ឈមណ្ឌលវះកាត់មនុស្សយន្តមន្ទីរពេទ្យបាំរុងរ៉ាដម៉ាស៊ីន Da Vinci Xi ត្រូវបានប្រើប្រាស់លើនីតិវិធីវះកាត់តម្រងនោម និងផ្លូវទឹកមូត្រជាច្រើន៖

• ការកាត់ក្រពេញប្រូស្តាតទាំងមូល គឺការយកចេញនៃក្រពេញប្រូស្តាតសម្រាប់ជំងឺមហារីកក្រពេញប្រូស្តាត។ ប្រព័ន្ធ Da Vinci Xi ជួយបង្កើនទិដ្ឋភាពមើលឃើញ និងភាពជាក់លាក់របស់ឧបករណ៍វះកាត់ ដែលជួយអនុញ្ញាតបច្ចេកទេសរក្សាសរសៃប្រសាទ ការជួយថែរក្សាការគ្រប់គ្រងផ្លូវទឹកមូត្រ និងមុខងារផ្លូវភេទ។
• ការកាត់តម្រងនោមមួយផ្នែក ឬទាំងមូលដោយជាក់លាក់គឺជាការវះកាត់ ផ្នែកខ្លះ ឬទាំងអស់នៃតម្រងនោមចេញសម្រាប់ការវះកាត់មហារីកតម្រងនោម។ ភាពជាក់លាក់នៃមនុស្សយន្តកាត់បន្ថយពេលវេលានៃការចងសរសៃឈាម ការពារជាលិកាតម្រងនោមដែលល្អ និងរក្សាមុខងារតម្រងនោមរយៈពេលវែង។
• ការកាត់ប្លោកនោម គឺជាការវះកាត់យក \ប្លោកនោមចេញសម្រាប់ការវះកាត់មហារីកប្លោកនោម។ បច្ចេកវិទ្យាមនុស្សយន្តជួយបង្កើនភាពងាយស្រួលនៃការចូលប្រើប្រាស់ទៅកាន់ឆ្អឹងអាងត្រគាកផ្នែកខាងក្រោម ការកាត់បន្ថយការបាត់បង់ឈាម និងការជាសះស្បើយលឿន។
• ការជួសជុលការស្ទះផ្លូវទឹកនោម គឺជាការកសាងឡើងវិញដើម្បីកែតម្រូវការស្ទះផ្លូវទឹកនោម (ការស្ទះត្រង់ផ្លូវប្រសព្វរវាងបង្ហួរនោម និងតម្រងនោម)។ ប្រព័ន្ធ Da Vinci Xi ជួយសម្រួលដល់ការដេរភ្ជាប់ដ៏ឆ្ងាញ់ ការស្ដារលំហូរទឹកនោមធម្មតាឡើងវិញ។
• ការវះកាត់គីស គឺជាការវះកាត់ដុំគីសតម្រងនោមដែលបណ្តាលឱ្យឈឺចាប់ ឆ្លងមេរោគ ឬកាត់បន្ថយមុខងារតម្រងនោម។ ដៃមនុស្សយន្តជួយសម្រួលដល់ការកាត់ចេញដោយសុវត្ថិភាព ខណៈពេលដែលការពារជាលិកាជុំវិញ។
  ការវះកាត់បង្កើតបង្ហួរនោមឡើងវិញគី ជួសជុល ឬផ្លាស់ប្តូរទីតាំងនៃបង្ហួរនោម ព្យាបាលការច្រាលទឹក ស្ទះ ឬរបួស។ ភាពជាក់លាក់របស់មនុស្សយន្តធានានូវការភ្ជាប់ឡើងវិញបានត្រឹមត្រូវ និងកាត់បន្ថយហានិភ័យនៃផលវិបាក។

 

អត្ថប្រយោជន៍ដែលលើសពីការវះកាត់

ការវះកាត់តម្រងនោម និងផ្លូវទឹកមូត្រដោយជំនួយមនុស្សយន្តមិនត្រឹមតែជាភាពជាក់លាក់ប៉ុណ្ណោះទេ វាគឺអំពីការផ្លាស់ប្តូរបទពិសោធន៍របស់អ្នកជំងឺ៖

• ភាពជាក់លាក់ដែលមិនអាចប្រៀបផ្ទឹមបាន ដៃមនុស្សយន្តផ្លាស់ទីជាមួយនឹងភាពបត់បែន 360° កាត់បន្ថយការខូចខាតដល់ជាលិកាជុំវិញ។
• ទិដ្ឋភាពមើលឃើញកម្រិតខ្ពស់ ការពង្រីករូបភាព 3D HD ជួយឱ្យគ្រូពេទ្យវះកាត់មើលឃើញសូម្បីតែសរសៃឈាម និងសរសៃប្រសាទតូចបំផុត។
• ការបាត់បង់ឈាមតិច និងការឈឺចាប់តិច ការវះកាត់តូចៗមានន័យថាការប៉ះទង្គិច និងការហូរឈាមតិច។
• ការជាសះស្បើយលឿនជាងមុនអ្នកជំងឺជាញឹកញាប់ចាកចេញពីមន្ទីរពេទ្យលឿនជាងមុន និងបន្តសកម្មភាពធម្មតាឡើងវិញ។
• គុណភាពជីវិតប្រសើរឡើង ជាពិសេសក្នុងការវះកាត់ក្រពេញប្រូស្តាត បច្ចេកទេសរក្សាសរសៃប្រសាទជួយរក្សាការគ្រប់គ្រងផ្លូវទឹកនោម និងមុខងារផ្លូវភេទ។
• ហានិភ័យនៃការស្មុគស្មាញទាប ការថយចុះហានិភ័យនៃការឆ្លងមេរោគ និងកំហុសក្នុងការវះកាត់បើប្រៀបធៀបទៅនឹងការវះកាត់បែបបើក។

 

ហេតុអ្វីត្រូវជ្រើសរើសមជ្ឈមណ្ឌលវះកាត់ដោយមនុស្សយន្តមន្ទីរពេទ្យបាំរុងរ៉ាដ ?

ចាប់តាំងពីឆ្នាំ 2016 មក មន្ទីរពេទ្យអន្តរជាតិមន្ទីរពេទ្យបាំរុងរ៉ាដបានក្លាយជាអ្នកដឹកនាំផ្នែកវះកាត់មនុស្សយន្តនៅក្នុងប្រទេសថៃ និងអាស៊ី។ មជ្ឈមណ្ឌលវះកាត់មនុស្សយន្តផ្តល់ជូន៖
 
នៅមជ្ឈមណ្ឌលវះកាត់មនុស្សយន្ត អ្នកជំងឺទទួលបានអត្ថប្រយោជន៍ពី៖

• ក្រុមគ្រូពេទ្យជំនាញពហុជំនាញដូចជា គ្រូពេទ្យវះកាត់តម្រងនោម គ្រូពេទ្យឯកទេសខាងផ្នែកសណ្តំ និងគិលានុបដ្ឋាយិកាជំនាញវះកាត់។
• បច្ចេកវិទ្យា da Vinci Xi ទំនើបទាន់សម័យសម្រាប់នីតិវិធីស្មុគស្មាញបំផុត។
• ផែនការព្យាបាលផ្ទាល់ខ្លួនដែលត្រូវបានរៀបចំឡើងតាមលក្ខខណ្ឌជំងឺ និងគោលដៅសុខភាពរបស់អ្នកជំងឺម្នាក់ៗ
• មានកំណត់ត្រាបញ្ជាក់ពីលទ្ធផលវះកាត់ដ៏ល្អឥតខ្ចោះ ការកាត់បន្ថយរយៈពេលស្នាក់នៅមន្ទីរពេទ្យ និងអត្រានៃការរស់រានមានជីវិតរយៈពេលវែងកាន់តែប្រសើរឡើង។

នៅទីនេះ បច្ចេកវិទ្យាទំនើបត្រូវបានផ្សារភ្ជាប់ជាមួយនឹងការថែទាំដែលយកចិត្តទុកដាក់ និងផ្ដោតលើអ្នកជំងឺផ្ទាល់ ដែលធានាថាបុគ្គលម្នាក់ៗមានអារម្មណ៍ថាទទួលបានការគាំទ្រនៅគ្រប់ជំហាន។

នៅមន្ទីរពេទ្យបាំរុងរ៉ាដ  ការវះកាត់ដោយជំនួយមនុស្សយន្តជាមួយប្រព័ន្ធ da Vinci Xi គឺលើសពីការវះកាត់ទៅទៀត - វាជាមាគ៌ាត្រឡប់ទៅរកសុខភាព កិត្យានុភាព និងក្ដីសង្ឃឹម។



សំណួរដែលគេសួរញឹកញាប់ 
1.តើប្រព័ន្ធ da Vinci Xi ត្រូវបានប្រើប្រាស់សម្រាប់អ្វីនៅក្នុងជំនាញវះកាត់តម្រងនោម ?
ប្រព័ន្ធមនុស្សយន្ត da Vinci Xi ត្រូវបានប្រើសម្រាប់ការវះកាត់តម្រងនោមដែលស្នាមវះតួចបំផុត  ដូចជា ការវះកាត់ក្រពេញប្រូស្តាត  ការវះកាត់តម្រងនោម ការវះកាត់ប្លោកនោម ការវះកាត់បង្កើតបង្ហួរនោម តម្រងនោមនិងការជួសជុលបង្ហួរនោម។ វាផ្តល់នូវភាពជាក់លាក់ខ្ពស់ ស្នាមវះតូចជាងមុន និង ការជាសះស្បើយលឿនជាងមុន។

2. ហេតុអ្វីត្រូវជ្រើសរើសមន្ទីរពេទ្យបាំរុងរ៉ាដ សម្រាប់ការវះកាត់ជំនួយដោយមនុស្សយន្ត?
មជ្ឈមណ្ឌលវះកាត់មនុស្សយន្តមន្ទីរពេទ្យបាំរុងរ៉ាដ   រួមបញ្ចូលគ្នានូវគ្រូពេទ្យវះកាត់ជំនាញ បច្ចេកវិទ្យា da Vinci Xi ទំនើប និងការថែទាំបុគ្គលម្នាក់ៗ ដើម្បីផ្តល់ការវះកាត់ដែលមានសុវត្ថិភាពជាងមុន ការជាសះស្បើយលឿនជាងមុន និងគុណភាពជីវិតកាន់តែប្រសើរ។